Alan 的健康角度之二：垃圾食物

上一篇講到：究竟係乜野改變左我既睇法… 垃圾食物係其中之一。

中學時讀全日制，因為學校距家只係12分鐘步行路程，所以每日都返家食午飯。見到大部份同學都係canteen或出街食飯，好羨慕。到出黎做野後就開始要日日係街食，初頭感覺好新鮮，覺得樣樣都好味！

到近年開始留意食物之後，哩樣又話有激素、果d又話千年肉；而家想回歸基本，帶飯盒！

咁究竟所謂既『垃圾食物』有幾差？

垃圾食物並唔係變壞左唔可以食嘅食物，而係指一啲營養低、熱量高嘅快餐食物。好似即食麵、漢堡包、薄餅、糖、汽水、薯片同薯條。垃圾食物嘅營養成份大部份係淨卡路里，齋能量，營養就冇乜。而且會加入大量食物添加劑，用嚟整重啲味，整靚野食嘅質感，轉色以及令佢唔會變壞。

世界衛生組織(WHO)公佈的全球十大垃圾食物：http://bit.ly/9M2Tyy



當見識過味精湯係如何『溝』出黎之後，我真係覺得以前好傻。如果大家認為咁都冇問題既，請繼續食吧！我唔係唔食（生活係城市，好難可以避開垃圾食物），係會精明d，唔用 / 用少d味粉。最近我煮麵開始用蕃茄加洋蔥去做個湯底，係多左功夫同時間；但好味d又健康d，何樂而不為？


次次都做湯底好煩？

的確係，咁試試一次煲多d份量，多左既入樽放雪櫃，有需要時就立即有，如何？

要活出健康，當然要付出些少！

有人會心諗：點解唔用罐頭湯？大家先去睇睇罐頭湯既標籤，了解有幾多人體唔需要既添加劑在內吧！

下一篇講點解要『健康』，你同我點樣可以開始。